ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
گه‌وره‌یی قورئانی پیرۆز و خوێنه‌ره‌كه‌ی
ووتەی هاوەڵان لەسەر قورئانی پیرۆزو قورئان خوێن
1_ عبدالله ی كوڕی مسعود رضي الله عنه ئەفەرمێت:ئەبێت لەسەر قورئان خوێن كەشەو بزانێت كاتێ كەخەڵك خەوتوون،وەڕۆژیش ئاگای لێ بێت كاتێ خەڵك زیادەڕۆیی ئەكەن و بێ ئاگان، وەبگرێت كاتێ خەڵك پێ ئەكەنن،وەوەرعی بێت كاتی كەخەڵك حەرام و حەڵاڵ تێكەڵ بكەن،وەبێ دەنگ بێت كاتی كەخەڵك قسە لەهەموو شتێكا ئەكەن، وەمل كەچ بێ كاتێ كەخەڵك لووتیان بەرز ئەكەنەوەو فیزئەیان گرێت،وە دڵتەنگ بێت ( بۆ قیامەت) كاتێ كەخەڵك دڵخۆشن
2- ئیمامی عومەری كوڕی خەتتاب رضي الله عنه دەفەرموێت : ئێمە كە (دە) ئایەتمان لەبەر دەكرد نەدەچووین هیچی تر لەبەر بكەین هەتاوەكو ئیشمان بەو (دە) ئایەتە نەكردایە ،
وە دەگێڕنەوە كە سورەتی (البقرة) ی بە نۆ ساڵ لەبەر كردووە ،وەئەمەش نەك لەبەر ئەوەی كە لەبەر كردنی لاواز بێت و خراپلێی ێ تێبگات بەڵكو بە هۆی ووردبینی و جێ بە جێ كردنی فەرمانەكانی ئەوەندەی پێ چووە .
3- عبد الله ی كوڕی مسعود (رضي الله عنه ) دەفەرموێت : لەبەر كردنی قورئان بەلامانەوە قورس و گران بوو ، بەڵام جێ بەجێ كردن و ئیشكردنی زۆر لامان ئاسان بوو ، بەڵام ئەوانەی دوای ئێمە لەبەر كردنیان بەلاوە ئاسانە بەڵام جێ بەجێ كردنیان بەلاوە قورس و گرانە
4- ئیمامی عوسمانی كوڕی عەففان و حوزەیفەی كوڕی یەمان ڕەزاو ڕەحمەتی خوایان لێ بێ دەفەرموون :( لو طهرت القلوب لم تشبع من قراءة القرآن .... ) واتە : ئەگەر دڵەكان پاك بن ئەوا تێر ناخۆن لە خوێندنی قورئان .
5- عبد الله ی كوڕی مەسعود (رضي الله عنه ) فەرموویەتی : ( إذا أردتم العلم فانثروا القرآن فإن فيه علم الأولين والآخرين) .
واتە : ئەگەر زانستان دەوێت لە قورئاندا بگەڕێن ، چونكە زانستی پێشینان و دوای پێشینانی تێدایە .
6- ئەنەسی كوڕی مالیك (رضي الله عنه ) فەرموویەتی :(رب تال للقرآن والقرآن يلعنه ) واتە : زۆر قورئان خوێن هەیە قورئان نەفرەتی لێ دەكات .
7_ عومەری كوڕی خەتاب (رضي الله عنه ) ئەفەرمێت:سەردەمێكی زۆر ژیایین وەیەكێ لەئێمە ئیمانی پێئەدرا پێش قورئان جاسورەتێ دائەبەزی بۆ پێغەمبەر(صلى الله عليه وسلم) حەڵاڵ و حەرام ئەمرو نەهی و ئەوەش كەئەبێت تیایدا بوەستی و بیری لێ بكەیتیەوە ئەیزانی.پاشان من پیاوانێكم بینی هەریەكێ لەوان قورئان پێش ئیمان فێر ئەبوو،جا لەفاتحەوە بۆ كۆتایی ئەیخوێندەوەو حەڵاڵ و حەرام ئەمرو نەهی و ئەوەش كەئەبێت تیایدا بوەستی و بیری لێ بكەیتەوە نەیئەیزانی،وەكو ئەوەی كەشتێك هەڵ لوشێ ئاوا قورئانی ئەخوێندەوە.
8- عبد اللهی كوڕی مەسعود (رضي الله عنه ) فەرموویەتی : قورئان بە پەلە مەخوێننەوە وەك خوێندنەوەی شعر ، وە بە خاویش مەیخوێننەوە وەك خواردنی خورمایەكی خراپ كە زۆر بەبێتاقەتی بیخۆی ، بوەستن لەئاستی سەرسوڕهێنەرەكانی ، دڵەكانی پێ بجوڵێنن ، وە با هەوڵتان هەر ئەوە نەبێ كە كەی بگەنە كۆتایی سورەتەكە .
نووسيني : أبي عبدالرحمن عدلي الغزالي
وه‌رگێڕانى : حكیم أبوبكر