ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ژیانی شه‌ش پێشه‌واکه‌ى فه‌رمووده (ئیمامى بوخاری)..... كۆچی دوایی كردنی......(12)
کتێبخانه‌ى ته‌فسیر هه‌ولێر........ئیمام بوخاری چوه لای خزمه‌كانی له گوندی خه‌رته‌نگی لای سه‌مه‌رقه‌ند له ئۆزبه‌گستانه‌و، ئێستا به خه‌رته‌نگ ده‌ڵێن خواجا ئاباد له‌وێ بۆ ماوه‌یه‌كی كه‌م مایه‌وه، نه‌خۆش كه‌وت، بۆیه خه‌ڵكی سه‌مه‌رقه‌ند به تكاو رجاوه ناردیان به شوێنیدا، كه ته‌شریف بهێنێته شاره‌كه‌ی ئه‌وان، ئه‌ویش ڕازی بو، ئه‌سپێكیان بۆ زین كرد و عه‌مامه‌كه‌ی له‌سه‌ر كردو خوففه‌كانی له پێ كرد، كه نزیكی بیست سی هه‌نگاوێك به‌روه ئه‌سپه‌كه رۆیشت، تا سواری بێت، به‌ڵام هه‌ستی به داهێزران و نه‌ساغی كرد، گوتی: لێ گه‌ڕێن با دانیشم، با راكشێم، كه راكشا كه‌وته پاڕانه‌وه‌و دوعا كردن، ئه‌وه‌نده‌ی ئاره‌ق كرده‌وه، كه خه‌ڵكی سه‌ریان سوڕما، ساته وه‌ختێكی كه‌می نه‌برد گیانی سپارد، به‌ڵام تا خستیشیانه ناو كفنه‌كه‌یه‌وه، هه‌ر ئاره‌قی ده‌رده‌دا !!
ئه‌وانه‌ی نزیكی بون، گێڕایانه‌وه، كه ئه‌و شه‌وه‌ی بۆ سبه‌ی به‌ته‌ما بو بچێت بۆ سه‌مه‌رقه‌ند، زۆری ئه‌م دوعایه دوباره ده‌كرده‌وه: (اللهُمَّ قَدْ ضَاقَتْ بِيَ الارضُ بِمَا رَحُبَتْ، فَاقْبِضْنِي اليكَ) واته: خوایه ئه‌م سه‌رزه‌مینه به‌رفراوانه‌م لێ ته‌سك بۆته‌وه، خوایه بمبه‌ره‌وه بۆ خزمه‌ت خۆت !!
ئاوا ـ هه‌زاران له شه‌وی شه‌ممه، دوای نوێژی عیشا، كه شه‌وی جه‌ژنی ره‌مه‌زانی ساڵی 256 ی كۆچی بو، گیانی پاكی به‌ره‌و عه‌رشی خوای په‌روه‌ردگار به‌رز بۆوه و، له ته‌مه‌نی 62 ساڵیدا كۆچی دوایی كرد....