ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (١٠) ی سورەتی (الأحقاف) { قُلْ أَرَأَيْتُمْ إِن كَانَ مِنْ عِندِ اللَّهِ وَكَفَرْتُم بِهِ }
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئايه‌ته‌كه : (طبراني) له (عوف) ى كوڕى (مالك) ى (اشجعى) يه‌وه ده‌گێڕێته‌وه , پێغەمبەرى خوا (صلی الله علیه وسلم) پێى فه‌رموون : ئه‌ى گرۆهى جووله‌كه , دوانزه پياو له‌نێو خۆتان
ده‌ستنيشان بكه‌ن بۆم كه شايه‌تى بده‌ن خوا تاك و ته‌نيايه و (محمد) پێغەمبەرى خوايه , هه‌تا په‌روه‌ردگار ئه‌و خه‌شم و قينه‌ى لێى گرتوون له‌سه‌ر هه‌موو جووله‌كه‌ى لاببات.ئه‌وانيش بێده‌نگ بوون و كه‌سيان وه‌ڵامى نه‌دايه‌وه, پاشان پێغەمبەر (صلی الله علیه وسلم) پشتى تێكردن و به‌جێى هێشتن , له‌ناكاو پياوێك له هه‌ستا و وتى : جارێ مه‌ڕۆ ئه‌ى (محمد) , ئنجا ڕوويكرده جووله‌كه‌كان و وتى : ئێوه چۆن من هه‌ڵده‌سه‌نگێنن و به‌پياوێكى چۆنم ده‌زانن ؟ ئه‌وانيش وتيان : سوێند به خوا هيچ پياوێكمان له‌نێو خۆماندا نه‌ديوه كه شاره‌زاتربێت له كتێبى خواى گه‌وره و زاناتربێت له تۆ و باوك و باپيرت , ئه‌ويش وتى : به‌ڕاستى من گه‌واهى ده‌ده‌م كه‌وا (محمد) ئه‌و پێغه‌مبه‌ره‌يه كه له ته‌ورات دا باسيكراوه, جووله‌كه كانيش وتيان : درۆتكرد, پاشان به‌رپه‌رچيان دايه‌وه و قسه‌ى خراپيان پێ وت ؟! ئنجا ئه‌م ئايه‌ته هاته خواره‌وه : { قُلْ أَرَأَيْتُمْ إِن كَانَ مِنْ عِندِ اللَّهِ وَكَفَرْتُم بِهِ }.