ماڵپەری قورئانی پیرۆز

شاعیرێک له‌باره‌یه‌وه‌ وتویه‌تى:

ئوسه‌ید رێز و، ئازایه‌تى و، به‌خشنده‌یى له‌ باوکیه‌وه‌ بۆ مابوویه‌وه‌و، به‌ر له‌وه‌ى که‌ موسڵمانیش ببێت، یه‌کێک بوو له‌ سه‌رگه‌وره‌کانى مه‌دینه‌ و پیاوماقولآنى عه‌ره‌ب و، تیرهاوێژه‌ زیره‌که‌کانیان..

کاتێک که‌ ئیسلامیش پاکى کرده‌وه‌و، به‌ره‌و سه‌ر رێگاى راست و به‌جێى په‌روه‌ردگارى بالآده‌ست و سوپاسکراو رێنوێنى کرا، جه‌سووریه‌که‌ى زیادى کرد و، پله‌و رێزى گه‌شه‌دارتر بوو، ئه‌و رۆژه‌ى که‌ جێگاى خۆى گرت، بوو به‌ یه‌کێک له‌ پشتیوانانى خودا و پشتیوانانى پێغه‌مبه‌ره‌که‌ى(صل الله علیه وسلم) و، هاته‌ ریزى ئه‌و که‌سانه‌ى زۆر زوو موسڵمان بوون.