ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(ئوسه‌یدی كوڕی حوضه‌یر ) پاڵه‌وانی ڕۆژی سه‌قیفه : (به‌شی ٢)
نوسینگه‌ى ته‌فسیر .. نوسینى : خالد محمد خالد ..وه‌رگێڕانى : سهام به‌رزنجى/ موسڵمان بوونیشی زۆر خێرا و، یه‌كلاكه‌ره‌وه‌و، به‌ڕێزانه بوو..كاتێك كه پێغه‌مبه‌ر (صل الله علیه وسلم)(موصعه‌بی كوڕی عومه‌یر)ی نارد بۆ مه‌دینه
تا ئه‌و موسڵمانه ئه‌نصاریانه‌ی له په‌یمانی عه‌قه‌به‌ی یه‌كه‌مدا به‌ڵێنیان دابوو به پێغه‌مبه‌ر(صل الله علیه وسلم) فێریان بكات و تێیان بگه‌یه‌نێت و، كه‌سانی دیكه‌ش به‌ره‌و لای ئاینی خودا بانگ بكات.
له‌و كاته‌دا، (ئوسه‌یدی كوڕی حوضه یر) و، (سه‌عدی كوڕی مه‌عاذ) كه سه‌رگه‌وره‌ی هۆزه‌كانیان بوون، پێكه‌وه دانیشتن و له‌باره‌ی ئه‌و كاره ناوخۆیه‌وه ده‌دوان كه له مه‌ككه‌وه هاتووه‌و ئاینه‌كه‌ی ئه‌مان به پڕوپوچ داده‌نێت و، بانگه‌شه بۆ لای ئاینێكی نوێ ده‌كات كه پێی ئاشنا نین..
(سه‌عد) به (ئوسه‌ید)ی وت: به‌ره‌و لای ئه‌و پیاوه به‌ڕێ بكه‌وه‌و قسه‌ی پێ بڵێ و رێگری لێ‌بكه..
(ئوسه‌ید)یش خه‌نجه‌ره‌كه‌ی هه‌ڵگرت و به‌ره‌و شوێنی میوانداری (موصعه‌ب) كه‌وته‌ڕێ كه له ماڵی (ئه‌سعه‌دی كوڕی زوراره) بوو كه یه‌كێكه له سه‌رگه‌وره‌كانی مه‌دینه و پێشتر موسڵمان بوو بوو..
له كۆڕ و دانیشتنه‌كه‌ی (موصعه‌ب) و (ئه‌سعه‌دی كوڕی زوراره)شدا، (ئوسه‌ید) خه‌ڵكێكی بینی به گرنگی و بایه‌خه‌وه گوێیان بۆ ئه‌و وشه چاكانه راگرتبوو كه (موصعه‌بی كوڕی عومه‌یر) بۆی ده‌كردن و بانگی ده‌كردن بۆ لای خوا..
جا (ئوسه‌ید) سه‌رسامی كردن به توڕه‌بوون و هه‌ڵچونه‌كه‌ی.
(موصعه‌ب) پێی وت:
{ده‌كرێت دابنیشیت و گوێراگریت.. له هه‌رچی رازی بوویت ئه‌وا وه‌ری ده‌گریت و، هه‌رچیشت پێ‌ناخۆش بوو، واز له‌وه ده‌هێنین كه حه‌زت پێی نیه}..؟؟