ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (٨) ی سورەتی (المجادلة) :{أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ }
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئایه‌ته‌که:(إبن أبى حاتم) له (مقاتل) ى کوڕى (حبان) ه‌وه ده‌گێڕێته‌وه, ده‌ڵێت : له‌نێوان پێغەمبەر (صلی الله علیه وسلم) و جووله‌که‌کاندا جیابوونه‌وه و دوورکه‌وتنه‌وه‌یه‌ک هه‌بوو , بۆیه گه‌ر
بێت و یه‌کێک له هاوه‌ڵان به‌لایاندا تێپه‌ڕ ببوایه داده‌نیشت له‌ناوخۆیاندا سه‌ریان ده‌کرد به‌یه‌کدا و چپه‌چپیان ده‌کرد, هه‌تا ئه‌و باوه‌ڕداره هه‌ستى ده‌کرد ده‌رباره‌ى کوشتنى ئه‌و بدوێن و پیلان بگێڕن !؟ یان ده‌رباره‌ى شتێک ده‌دوێن که‌وا هاوه‌ڵه‌که‌ى پێغەمبەر (صلی الله علیه وسلم) پێى ناخۆشه, ئنجا پێغەمبەرى خوا (صلی الله علیه وسلم) چپه‌چپى لێ قه‌ده‌غه‌کردن به‌ڵام ئه‌وان کۆتایى یان پێنه‌هینا و په‌روه‌ردگاریش ئه‌م ئایه‌ته‌ى دابه‌زانده خواره‌وه. هه‌روه‌ها (أحمد) و (بزار) و (طبراني) له (عبدالله) ى کوڕى (عمرو) ه‌وه ده‌گێڕنه‌وه, ده‌ڵێت : جووله‌که‌کان به پێغەمبەر (صلی الله علیه وسلم) ده‌وت : (سام عليكم) واته : مردنتان له‌سه‌ربێت, پاشانیش له‌ده‌روونى خۆیاندا ده‌یان وت: ئه‌وه بۆ خوا سزامان نادات, ئنجا ئه‌م ئایه‌ته نازڵبووه خواره‌وه :{وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ}.