ماڵپەری قورئانی پیرۆز

ئه‌ى پێغه‌مبه‌رى خاوه‌ن مه‌عالى
په‌نات گه‌وهه‌ره‌ دوڕوو له‌و ئالى
فه‌یضى بۆ عاله‌م به‌ڕۆژ و به‌شه‌و
به‌شه‌وا ڕه‌حمه‌ت به‌ ڕۆژا پر ته‌و

دووڕى یه‌تیم بووى له‌صولیى صه‌ده‌ف
له‌ده‌ریاى ره‌حمه‌ت که‌وتیته‌ ته‌ره‌ف
که‌س قیمه‌تى تۆ ته‌واو نازانێ
چۆن وێنه‌ت نیه‌ له‌هیچ مه‌کانێ
هاتیته‌ دنیا بابت نه‌ما بوو

به‌لآم بۆ قه‌درت عاله‌م وه‌ستا بوو
فه‌قیر بووى به‌ماڵ ئه‌میر به‌که‌ماڵ
یانى داراى بووى بۆ ماڵ و ئه‌حواڵ
دایک و باپیرت ده‌رچوون له‌دنیا
به‌لآم مامى خۆت بوو به‌ڕه‌هنوما
که‌مامت ڕۆیى جبریل بۆ عیلاج
هات و بردیتى بۆ ئیسراو میعراج