ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆی دابەزینی ئایەتی (٢٢) ی سورەتی (المجادلة) :{لَّا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ}
نوسینى : بورهان موحه‌مه‌د ئه‌مین / ئاماده‌کردنى : چێنه‌ر / ئايه‌ته‌كه:(إبن أبى حاتم) له (إبن شوذب) ه‌وه ده‌گێڕێته‌وه, ده‌ڵێت: ئه‌م ئايه‌ته ده‌رباره‌ى (أبو عبيده) ى (جراح) هاته خواره‌وه كه له جه‌نگى (بدر)دا باوكى خۆى كوشت, كه له
كافران بوو {لَّا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِڕ يُوَادُّونَ مَنْ حَادَّ اللَّهَ} دابه‌زى.هه‌روه‌ها (طبراني) و (حاكم) ده‌گێڕنه‌وه و ده‌ڵێن: باوكى (أبو عبيده) ى (جراح) ده‌چووه به‌رده‌م (أبو عبيده) له جه‌نگى (بدر)دا (أبو عبيده) ش خۆى لێدوور ده‌خسته‌وه, به‌ڵام باوكى زۆرى بۆ ده‌هێنا و ئه‌ويش ناچار به‌رامبه‌رى وه‌ستا و باوكى كوشت, ئه‌م ئايه‌ته‌ش له‌سه‌ر ئه‌وه نازڵ بووه خواره‌وه. هه‌روه‌ها (إبن منذر) له (إبن جريج) ه‌وه ده‌گێڕێته‌وه, ده‌لێت: (أبو قحافة) ى باوكى (أبوبكر) جنێويدا به پێغەمبەرى خوا (صلی الله علیه وسلم) (ابوبكر)يش يه‌ك زله‌ى پياكێشا و باوكى كه‌وت به‌سه‌ر زه‌ويدا, دوايش ئه‌مه‌ى بۆ پێغەمبەر (صلی الله علیه وسلم) گێڕايه‌وه, فه‌رمووى : شتى وات كرد ئه‌ى (أبوبكر) ئه‌ويش فه‌رمووى : سوێند به‌خوا ئه‌گه‌ر شمشێرم لێوه نزيك بوايه ئه‌وا لێم ده‌دا, ئنجا ئايه‌تى :{ لَّا تَجِدُ قَوْمًا } هاته خواره‌وه.